Denne kommentaren får vi ofte. Ja, vi KAN få det som vi vil. Eller rettare sagt: Vi kan få gjere dei prioriteringane vi vil. Og må. For vi er fast bestemte på å ikkje bli fanga av verken luksusfella eller andre feller, og vil halde ein nøktern stil når det gjeld nyinnkjøp.
På andre sida er det jo ein del ting vi treng. Og ein del ting vi ønskjer oss... Og interiørinteressert som eg er trålar eg "bladå" etter lure idear. Men korleis klarer ein å få det både lyst og pent og personleg, gjerne landleg og med innslag av retro??? Det fattar eg ikkje. I bladå er det aldri skitneklede. Dessutan er dei reine kleda alltid kvite eller småblomstra og heng på ei hampsnor i hagen mens sommarvinden blafrar i dei. Barneromma har leiker frå bestefars tid, og slett ingen monstertruckar eller plastikkleiker. Kvar er livet gøymt bak alt det kvite og pene med pastellar og polkadottar? Og kva med treningsutstyr, fotballsko og ski?
Ëg ønskjer sjølvsagt at Soflekken skal verte slik som eg drøymer om. Med kvitmåla loppisfunn, vakre polkadot-koppar, heimebakst og masse venner på besøk. Helst vil eg at det skal vere "perfekt" innreia når alle kjem på besøk første veka. Derfor må eg stadig minne meg på at livet ikkje er eit interiørblad. Livet er mykje betre. Med monstertruckar og polkadottar om einannan. Det viktigaste er å vere i lag. Det blir det aller beste med Solflekken.
God, mild og mjuk helg til dei som les dette. Snart 10 000 som har svippa innom. Heilt utruleg. Takk!
Har forresten kjøpt seng, komfyr, steiketopp og ventilatorhette i dag. Håpar på å få tatt meir foto av huset i morgon. STORE endringar :)
Bra skreve! Det er kombinasjonen av monstertruck og polkadotter- levd liv, som gjør det til et hjem! Jeg er sikker på at solflekken blir en god plass for både liten og stor, og for alle som får komme innom på besøk
SvarSlettTakk, gode Beate. :) De er hjarteleg velkomne. Klem
SvarSlett